Friday, Jul 20th

Last update04:58:08 PM GMT

You are here පුවත් ක්‍රීඩා, සිනමා හා කලා අද තරගය ශ්‍රී ලංකාවට තීරණාත්මකයි

අද තරගය ශ්‍රී ලංකාවට තීරණාත්මකයි

  • පී.ඩී.එෆ් (PDF)
sl_au_flag

ඔස්ට්‍රේලියාව තරගාවලියේ ජය අපේක්ෂාවෙන් පිටියට
අද (16) පැවැත්වෙන ශ්‍රී ලංකා - ඕස්ට්‍රේලියා තුන්වන එක්දින ක්‍රිකට් තරගයෙන් ඕස්ට්‍රේලියාව ජය ලබාගත හොත් තරගාවලියේ ජයග්‍රහණය ඕස්ට්‍රේලියාව හිමි කර ගනී.

තරග 5කින් සමන්විත තරගාවලියේ තරග 2ක් ම මේ වනවිට ජයගෙන සිටින ඕස්ට්‍රේලියාව අද පිටියට පිවිසෙන්නේ තරගාවලියේ ජයග්‍රහණය අපේක්ෂාවෙනි.

හම්බන්තොට, සූරියවැව මහින්ද රාජපක්ෂ අන්තර්ජාතික ක්‍රීඩාංගණයේ දී අද පස්වරු 2.30ට ඇරඹෙන තරගය දිවා රාත්‍රී තරගයකි.

පසුගිය තරග දෙකේදීම මුල් පෙළ පිතිකරුවන්ගේ අසාර්ථක වීම නිසා ශ්‍රී ලංකාව අඩු ලකුණු ලබාගත් අතර ඕස්ට්‍රේලියාව අඩු පන්දුවාර සංඛ්‍යාවකින් එම ලකුණු ඉක්මවා යෑමට සමත් විය.

තරගාවලිය ආරම්භ වූයේ ශ්‍රී ලංකාව සිය 300 වන එක්දින ජයග්‍රහණය අපේක්ෂාවෙන් සිටියදී ය. එය තවමත් ඉටු වූයේ නැත. අද තරගයෙන් ජයගත හොත් එය හිමිකර ගත හැකි වනු ඇත. එමෙන් ම තරගාවලිය ජයගැනීමට නම් අද තරගයත් ඉදිරි තරග දෙකත් අනිවාර්යයෙන් ම ජය ගැනීමට සිදු වේ.

අද පැවැත්වෙන තරගය ශ්‍රී ලංකාව මුහුණ දෙන 636වන එක්දින ක්‍රිකට් තරගය වන අතර මේ දක්වා තරග 635කට මුහුණදෙමින් ඉන් 299ක් ජයගෙන තිබේ.

මේ වසරේ එක්දින තරග 21කට මුහුණ දී ඇති ශ්‍රී ලංකාව ඉන් තරග 11ක් ජයගෙන 7ක් පරාජය වී තිබේ. තරග 2ක් තීරණයක් නැති ව අවසන් වූ අතර එක් තරගයක් අතහැර දැමීමට සිදු ව තිබේ.

2005 පසු ව මව්බිමේ දී එක්දින තරග 37කට මුහුණ දී ඉන් 25ක් ජයගැනීමට ශ්‍රී ලංකා පිල මේ වනවිට සමත් ව සිටී.

අද තරගයේ විනිසුරුවන් ලෙස අසාද් රවුෆ් සහ අසෝක ද සිල්වා කටයුතු කරති. තරගයේ තීරක ලෙස කටයුතු කරන්නේ ජවගල් ශ්‍රී නාත් ය.

Hc